Ընտանեկան իրավունք Դաս 27

 1.Ինչ է ընտանեկան իրավունքը, և որն է դրա հիմնական աղբյուրը:

Ընտանեկան իրավունքը դա իրավունքի ճյուղ է, որը կարգավորում է անհատների ամուսնությունից և ընտանիքին պատկանելուց բխող անձնական և գույքային հարաբերությունները: Ընտանեկան իրավունքի հիմնական աղբյուրը դա ընտանեկան օրենսգիրքն է: Ընտանեկան օրենսգիրքը սահմանում է ամուսնանալու, ամուսնալուծության և նման իրավիճակների օրենքները:

2.Ինչ է ամուսնությունը, և որոնք են դրա հատկանիշները:

Ամուսնությունը դա տղամարդու ու կնոջ ազատ և իրավահավասար միությունն է: 

3.Որոնք են ամուսնության պայմանները և արգելքները:

Ամուսնության պայման՝ Ամուսնության կնքման համար անհրաժեշտ են ամուսնացողների փոխադարձ կամավոր համաձայնությունը և նրանց ամուսնական տարիքին հասնելը. կանանց համար՝ 17, տղամարդկանց համար՝ 18:

Ամուսնության արգելքներն այն հանգամանքներն են, որոնց առկայության դեպքում ամուսնության կնքումն արգելվում է: Դրանց հիմքում ընկած են կենսաբանական և բարոյական շարժառիթներ: Օրինակներ՝

1.Արգելվում է ամուսնությունն այն անձանց միջև, որոնցից թեկուզ մեկն արդեն այլ ամուսնության մեջ է գտնվում:

2.Չի թույլատրվում ամուսնանալ մերձավոր ազգականների միջև:

3.Ամուսնությունն արգելվում է այն անձանց միջև, որոնցից թեկուզ մեկին դատարանը ճանաչել է անգործունակ:

4.Որոնք են ամուսնության դադարման հիմքերը:

Ամուսնությունները դադարվում են մի քանի հիմքերով.

1.Ամուսինների մեկի մահվան կամ նրան դատարանի կողմից մահացած ճանաչելու հետեվանքով:

2.Ամուսնալուծության միջոցով:

3.Ամուսնությունը անվավեր ճանաչելու միջոցով:

6.Երբ է ամուսնալուծությունը կատարվում դատական կարգով:

Ամուսնությունը դադարվում է դատական կարգով եթե՝

1.Ամուսիններից մեկը համաձայն չէ ամուսնալուծվելու.

2.Ամուսիններից մեկը, չնայած առարկության բացակայումը, խուսափում է ամուսնալուծությունը գրանցում իրականացնող մարմիններում կատարելուց.

3.Ամուսիններից երկուսնել ցանկանում են ամուսնալուծվել դատական կարգով:

7.Ինչ հարցեր պետք է լուծի դատարանն ամուսնալուծության վճռով:

Եթե ամուսինների միջև չկա համաձայնություն այդ ժամանակ դատարանը պարտավոր է՝

1.Որոշել, թե ծնողներից ում հետ պետք է ապրեն երեխաները.

2.Որոշել; թե որ ծնողից և ինչքան է ապրուստավճար բռնագանձվելու.

3.Ամուսինների պահանջով կատարել նրանց ընդհանութ սեփականության համարվող գույքի բաշխումը.

4.Ամուսնուց ապրուստի միջոց ստանալու իրավունք ունեցող մյուս ամուսնու պահանջով որոշել այդ միջոցների չափը:

8.Ով և ինչպես է ամուսնությունը ճանաչում անվավեր:

Ամուսնությունը անվավեր է ճանաչում դատարանը՝ օրենքով սահմանված շահագրգիռ անձանց պահանջի հիման վրա:

9.Որոնք են ամուսինների անձնական իրավունքները և պարտականությունները:

Ամուսինների անձնական իրավունքները՝

1.Ամուսինները ունեն ազգանվան ընտրության իրավունք:

2.Ամուսիններից յուրաքանչուրն ազատ է աշխատանք, զբաղմունք, մասնագիտություն ընտրելու համար: 

3.Ամուսիններից յուրաքանչուրը ազատ է բնակության վայր ընտրելու հարցում:

4.Ամուսիններն ունեն ընտանեկան կյանքի հարցերի համատեղ լուծման իրավունք:

Ամուսինների անձնական պարտականությունները՝

1.Ամուսինները պարտավոր են իրենց հարաբերությունները կառուցել փոխադարձ օգնության և հարգանքի վրա:

2.Ամուսինները պարտավոր են նպաստել ընտանիքի ամրությանը:

3.Ամուսինները պարտավոր են հոգ տանել իրենց երեխաների բարեկեցության և զարգացման համար: