Տանը

Վիլյամ Սարոյան. Հյուսնի պատմությունը

Լյուսի տատիս իմացած հեքիաթներին վերջ չկար: Ահա դրանցից մեկը, որն ապացուցում է, թե հուսահատությունը պարզապես անհեթեթություն է: Այս պատմությունը հյուսնի մասին է, ով ապրել է հարյուրավոր տարիներ առաջ: Օրերից մի օր, տուն վերադառնալիս, ընկերներից մեկը կանգնեցնում է նրան և հարցնում.

– Եղբայրս, դեմքդ ինչո՞ւ է թթված: Բա՞ն է պատահել:

– Եթե իմ տեղը լինեիր, – պատասխանում է հյուսնը, – դու էլ այս օրին կլինեիր:

– Ի՞ն չ է եղել, – հետաքրքրվում է ընկերը:

– Մինչև առավոտ, – ասում է հյուսնը, – թագավորի հրամանով պետք է տասնմեկ հազար տասնմեկ հարյուր տասնմեկ գրվանքա փայտի լավագույն սղոցուքը տանեմ պալատ, թե չէ գլխիցս կզրկվեմ:

Ընկերը ժպտում է և գրկում նրան, ասում է.

– Սիրելի ընկերս, մի հուսահատվիր: Արի գնանք, ուտենք-խմենք և վաղվա մասին մոռանանք: Հույսդ երբեք մի կորցրու:

Գնում են հյուսնի տուն և տեսնում, որ նրա կինն ու երեխաները նույնպես լուրն առել են և լացուկոծ են անում: Ընկերը նրանց էլ է հորդորում, որ չվշտանան և բոլորը միասին սկսում են ուտել, խմել, ուրախ-ուրախ զրուցել, երգել ու պարել:

Խնջույքի կեսին հյուսնի կինը վերսկսում է.

– Խեղճ ամուսինս, առավոտյան զրկվելու ես գլխիցդ, իսկ մենք զվարճանում ենք:

– Ա՜խ, և ոչ մի հույս չկա:

– Մի’ տանջվիր, – ասում է հյուսնը, – ամեն ինչ զուր է:

Եվ շարունակում են ուտել, խմել, երգել ու պարել:

Երբ լույսը ճեղքում է խավարն ու սկսվում է օրը, բոլորը լռում են՝ սարսափով ու վշտով համակված: Թագավորի մարդիկ գալիս և կամացուկ թակում են հյուսնի տան դուռը:

Հյուսնը հառաչում է.

– Այժմ գնում եմ մեռնելու:

Եվ բացում է դուռը:

– Հյուսն, – ասում են հյուրերը, – թագավորը մեռել է:

Նրա համար դագաղ սարքիր:

Առաջադրանքներ

1. Համառոտ՝ 5-6 նախադասությամբ վերապատմիր զրույցը:

Լյուսի տատին պատմում էր շատ պատմություններ, որից մեկը սա է:Հյուսնը թթված տուն է գնալիս և իր ընկերը նրան հարցնում է, թե ինչու է նա թթված, իսկ նա պատասխանում է, որ պետք է ամենալավ կտրված տասնմեկ հազար տանսմեկ հարյուր տասնմեկ հատ փայտ տանի,եթե չտանի, առանց գլուխ կմնա:

Ընկերն առաջարկում է որ գնան տուն, մի քիչ ուրախանան, մինչև վաղը կգա:

Նրանք գնում են տուն, ուրախանում միչև վաղը:Հաջորդ օրը ծառաները գալիս ասում են, որ թագավորը մահացել է և պետք է Հյուսնը դագաղ սարքի թագավորի համար:

2.Ո՞րն է զրույցում արտահայտված գաղափարը:
Հիմնական գաղափարն այն է, որ պետք է անհնարինը չպահանջել:

3.Համաձա՞յն ես արտահայտված գաղափարի հետ: Հիմնավորի’ր:
Ես համաձայն եմ, որովհետև մարդը ամենակարող չէ: